Рудпроект ДОО - Скопје е друштво од областа на рударството и градежништвото. Oсновано e во 1977 година, а од 1994 година друштвото е со 100% приватен капитал.

Во функција на проширување на дејноста, во периодот од 1998 до 2000 година, Рудпроект изврши комплетно геолошко истражување на наоѓалиштето за калцитски мермер „Зелениковец“ во Говрлево, Скопско.

Наоѓалиштето за градежно-технички камен „Зелениковец“ според сложелноста на геологијата, димензиите, големината на рудното тело и промената, се вбројува во првата група и втората подгрупа на наоѓалишта на градежен камен.

Површинскиот коп „Зелениковец“ е отворен во 2000 година, а една година подоцна е изградена современа дробилична постројка во која се произведува целокупниот асортиман на стандардни тампонски и бетонски фракции.